Wias amoi woar

Die Vaganganheit vo unsam Wiatshaus in Mundort

Da Ken Lindsay vo Sundridge woar so freindli und hot uns de Gschicht  vazöht und aufgschriebn

Unsa Gosthäusl, des Steirahuat Restaurant, is in an vo de oidest Haisa vo Sundridge.

Huizknecht woan de erschtn Siedla de noch Sundridge kemman san. Es ist kloar dass des erschte Untanehmen a Sogwerkl woar. Da James Dunbar is1876 noch Sundridge kemman, de Leit heit segn in eam in Gründa vo Sundridge. Da Bob Dunbar, a Nochfohr vom James, hot glei in da nechstn Nochboarschoft vom Gosthaus glebt.

Da William Anderson, a weitara Siedla, hot fiar sei Frau und sei Famülie a Haus auf seim Grundstückl im Joahr 1882 oda erscht 1884 baut. So ganau woaß ma des net. No heit ham ma in Sundrige Albert, John und Edward Stroßn, benannt noch dem William Anderson seine Kinda. Vü schpäta is des Haus in Castle Inn umbenannt wordn und Eva Sullivan, an geburene Anderson, hot richtig guats Essn kocht und hot a drei Gästezimma im erschtn Stock ghobt

.item1

1982 ham des Haus die Gregg's kaft. Zu dera Zeit woars wieda a Wohnhaus. Oba scho boid is wieda a Wiatshaus draus wurdn.  Dazuabaut hams a in dera Zeit.

Wannst im vurdan Teil vom Esszimma sitzt, so nimmst Plotz im ehemolign Schlofzimma, a klans Bodezimma mit ana a-meta Sitz-Bodwann hot  dazua gheart.  Des zentral gelegane  Gastzimma woa des ehemolige Esszimma. De Wand zwischn de zwoa Zimma  hams beim Umbau 1982 aussagrissn.  De Stiagn und des Stiangnhaus in erschtn Stock auffi hams wiada original hergricht und a de oide Messinglampn im Vorhaus erinnat an de  oidn Zeitn.

Unsare Gäst megn die Atmosphär' vo dem oidn Haus, do am liabstn hearns de Gschicht vo da Gladys, unsam Hausgeist. Leit', de in oide Haisa wohnan wissn, dass a ötares Haus reich an G'raisch is. Do krochts hia und do amoi, des gheart zu an üba 100 Johr oidn Haus. Des "redn vom Haus" valeit' uns nochz'schaun noch da Qwöln vo dem Lärm und mia schiabn des gern auf Gladys, unsam Hausgeist.

Oba a wohre Gschicht is vo an Nochfohrn vo da Anderson Famülie vazöhlt wurdn. Er hot gsogt, dass da Vota, Earle Anderson, ois a Kind in dem Haus do glebt hat. Im Johr 1887 ist sei 17 Monat oide klane Schwesta gsturm an de schwarn Valetzungen de si des arme Gschrapperl ghoit hat ois  über de Stiagn obe gfoin is.  Da Nam vo seina klan Schwester wor: Gladys. Da ham mas! Ob de Gladys a wirklicha Geist is oda net des wiss ma net, aba wir wissn dass freindli is.

Und im Johr 2004 ham mia des Steirahuat Gasthaus aufgmocht. Guasts Essn und a zum trinkn, wai Essn und Trinkn hoit Leib und Sö' zam. Kimts!

STEIRERHUT RESTAURANT